Принцот Хари ги напушти Меган Маркл и децата и се врати во Африка. Познато е дека токму таму „бега“ кога работите не одат добро, а таму има голема поддршка.
Принц Хари е особено емотивно поврзан со Африка бидејќи уште како тинејџер таму пронашол утеха по смртта на својата мајка, и со години е посветен на хуманитарни и еколошки проекти на тој континент. Во Боцвана учествувал во бројни акции за заштита на диви животни, а познато е и дека таму отпатувал со Меган Маркл во раната фаза од нивната врска, каде што заедно поминале пет дена под ѕвездено небо – нешто што ја означи посериозната фаза од нивниот однос.
Сепак, Меган овојпат не ја повел со себе – во Африка „побегнал“ сам.
Повеќе од една недела Хари поминал далеку од своето семејство, а при тоа ја посетил и режисерката Танија „ТиЏеј“ Џенкинс, која тој ја нарекува „мама“.
Танија и нејзиниот сопруг Мајк Холдинг играле важна улога во животот на Хари низ годините, откако се запознале во Боцвана. Хари често пишувал дека токму Танија и Мајк биле негово „безбедно прибежиште“.
„Таа и Мајк беа првите луѓе што некогаш го ценеле она малку диво во мене што сè уште постоеше, она што не беше изгубено поради тагата – и татко ми. Тие беа огорчени што другите сакаа да го елиминираат тој последен дел, што другите сакаа да ме стават во кафез“, напиша Хари во своите мемоари, додавајќи дека тие му рекле дека неговото тело е родено во Британија, но неговата душа ѝ припаѓа на Африка.