Уапсени две лица на аеродромот во Ларнака: Сокриле околу 35 килограми канабис во куферите

од Илинка Илиоска
19 прегледи

Со околу 35 килограми канабис скриени во куферите, двајца патници пристигнале на аеродромот во градот Ларнака на Кипар, по што биле уапсени, јави дописничката на МИА од Атина.

Дрогата била откриена при контролата спроведена од припадници на Секторот за борба против дрога на кипарската полиција и царински службеници, а уапсени се две лица на возраст од 19 и 25 години.

Кипарскиот информативен портал „Филелефтерос“ повикувајќи се на свои извори пишува дека станува збор за лица со грчко потекло, кои од Барселона преку Минхен пристигнале во Ларнака.

Ова е втор ваков случај на Кипар, откако кон средината на септември било уапсено едно лице на аеродромот во Ларнака откако во неговиот куфер биле пронајдени речиси 27 килограми канабис.

Слични содржини