Уапсени вработени во „АстраЗенека“ во Кина поради потенцијални незаконски активности

Полицијата во Кина приведе петмина сегашни и поранешни вработени во „АстраЗенека“ на испрашување за потенцијални незаконски активности, објави денеска Блумберг, повикувајќи се на луѓе запознаени со ова прашање.

Според извештаите, приведените лица се кинески државјани кои продавале лекови против рак во онколошкиот оддел на споменатата британско-шведска мултинационална фармацевтска компанија, пренесува Ројтерс.

„Свесни сме дека мал број наши вработени во Кина се под истрага и во овој момент немаме повеќе информации за споделување“, објави „АстраЗенека“.