Украинската влада ја обвини Унгарија дека и помага на Русија да продолжи со својата агресија против Украина во услови на растечки тензии меѓу двете соседни земји.
Министерството за надворешни работи на Украина, исто така, ја обвини Унгарија за зајакнување на руското „чувство на неказнивост“ за наводните воени злосторства во земјата.
Олег Николенко, портпарол на украинскиот МСП, на Твитер напиша дека „Унгарија не сака да ја признае одговорноста на Русија за бруталните злосторства“ и само ги охрабрува Русите „да извршат нови злосторства“.
„Предлогот за одржување мировни преговори во Будимпешта изгледа циничен.
„Ако Унгарија сака да помогне, мора да престане да му штети на единството на ЕУ“, рече тој.
Унгарскиот премиер Виктор Орбан, кој е долгогодишен сојузник на рускиот претседател Владимир Путин и покрај членството на неговата земја во НАТО, беше реизбран претходно оваа недела.
Унгарија се спротивставува на новите и многу постоечки санкции кои веќе се воведени кон Русија и одбива да ја снабдува Украина со оружје.
Орбан во средата му рекол на Путин дека Унгарија ќе биде подготвена да и плати на Русија за увоз на гас во рубљи, што другите европски земји го одбија.
Украинското Министерство за надворешни работи исто така ја критикуваше подготвеноста на Унгарија да плаќа гас во руска валута и ја обвини дека на тој начин го поткопува единството на ЕУ.