190
Украинската вицепремиерка Олга Стефанишина ја обвини Русија за акти на „геноцид“ за време на инвазијата на нејзината земја, јави Би-Би-Си.
Говорејќи за „Sky’s Sophy Ridge“, Стефанишина рече дека „апсолутно верува“ дека рускиот режим извршил акти на геноцид и дека претседателот Владимир Путин и лидерите на Кремљ се „воени злосторници“.
Стефанишина рече дека бројот на цивилни жртви за време на руската инвазија е многу поголем од бројот на загинатите припадници на вооружените сили на Украина.
Таа рече дека руските војници „силувале жени со часови, а потоа ги убивале“.
Најави дека државниот обвинител ќе поднесе обвинение против руските војници осомничени за воени злосторства, истакнувајќи дека веќе се отворени околу 2.000 случаи.