Портпаролот на Фондот за деца на Обединетите нации (УНИЦЕФ) Џејмс Елдер изјави дека две третини од куќите во Газа, која е под интензивни израелски напади, се уништени или оштетени.
Елдер, кој веќе извесно време ги раководи активностите во Газа, на социјалните мрежи предупреди за уништувањето што израелската армија го врши во Газа.
„Две од секои три куќи во Газа се уништени или оштетени“, рече Елдер. Истакнувајќи дека видел урнатини насекаде во Газа, Елдер рече дека во еден момент биле уништени куќите кои палестинскиот народ макотрпно ги градел со години.Елдер, исто така, истакна дека соништата на луѓето во Газа се уништени и повика да се стави крај на уништувањето во палестинската енклава.
Израел, обвинет за геноцид, започна офанзива на Појасот Газа по прекуграничниот напад на палестинската група Хамас на 7 октомври, во кој загинаа околу 1.200 луѓе.Бројот на загинати во нападите на израелската армија врз Појасот Газа од 7 октомври 2023 година се искачи на 33.970.
Војната во Израел турна 85 отсто од населението на Појасот Газа во внатрешно раселување со акутен недостиг на храна, чиста вода и лекови, додека 60 отсто од инфраструктурата на енклавата е оштетена или уништена, според податоците на Обединетите нации.
Израел е обвинет за геноцид пред Меѓународниот суд на правдата. Привремената пресуда во јануари му нареди на Тел Авив да ги запре геноцидните акти и да преземе мерки за да обезбеди хуманитарна помош за цивилите во Газа.