Вакцината „Спутник V“ веќе ја примилe 150 илјади граѓани на Русија, изјави директорот на Центарот „Гамалеја“, Александар Гинцбург.
„До денес, овој препарат го примија повеќе од 150 илјади жители на нашата земја во рамките на граѓанскиот сообраќај. Ова е најголем број на луѓе вакцинирани отколку во која било друга земја“, рекол Гинцбург во интервју за телевизијата „Русија 24“.
Тој додал дека Рускиот фонд за директни инвестиции, со чија соработка Центарот „Гамалеја“ ја разви вакцината против Ковид-19, води преговори за испорака и производство на вакцината „Спутник V“ со многу земји, вклучувајќи ја и Турција.
„Во моментов, со учество на нашиот институт, институтот за развој на оваа медицина, Рускиот фонд за директни инвестиции спроведува слични преговори, многу успешно, со неколку десетици земји на нашата планета. Сите овие преговори се во различни фази: некаде веќе започнало пробното производство, некаде се во тек клиничките испитувања во рамките на третата фаза“, објасниl Гинцбург.
Тој истакнал дека Русија е подготвена да ја предаде вакцината „Спутник V“ на Турција за спроведување на вештачења и клинички испитувања.
„Зборуваме за снабдување на Турција со вакцината. Подготвени сме да ги пречекаме турските колеги, да разговараме за нијансите и наскоро да го предадеме потребниот број дози на подготовки за спроведување на експертиза … како и подготовки за започнување на третата фаза на клинички испитувања во Турција на волонтери во таа земја“, прецизирал Гинцбург.
Во средата, турскиот министер за здравство Фахретин Коџа изјави дека Анкара нема да ја купи руската вакцина против коронавирусот, бидејќи наводно не е во согласност со соодветната лабораториска практика. Сепак, Коџа подоцна рече дека нема да има проблеми со испорака на руската вакцина во Турција доколку успешно ги помине соодветните токсиколошки тестови.
Во август, Министерството за здравство на Русија ја регистрираше првата вакцина во светот против Ковид-19, што беше развиена од Центарот за научно истражување „Гамалеја“.