Канадскиот премиер Џастин Трудо поднесе оставка како лидер на Либералната партија, но ќе остане на функцијата премиер додека партијата не го избере неговиот наследник.
Во Канада најдоцна до 20 октомври ќе се одржат парламентарни избори на кои според сегашните анкети би загубила Либералната партија.
Трудо изјави дека претходно се сретнал со генералниот гувернер на Канада и побарал од неа да го прекине Парламентот до 24 март, што во суштина е суспензија што ја запира работата на Собранието без да се распушти. Аналитичарите сметаат дека оваа одлука и дава време на партијата да најде нов премиер, пишува РТС.
„Одлуката да поднесам оставка ја донесов по долга дискусија со моето семејство. Мојот успех се должеше на нивната поддршка. Одлуката им ја соопштив на децата синоќа. Оваа земја заслужува вистински кандидат на следните избори. „Ми стана јасно дека морам да водам внатрешни битки поради кои не сум најдобрата опција на гласачкото ливче“, вели Трудо.
Иако тоа е рутински дел од парламентарната процедура, владите понекогаш го користат за да купат време за време на политичка криза.
Канадскиот парламент моментално е во пауза до 27 јануари.
Трудо, кој беше лидер на Либералната партија 11 години и премиер девет години, се соочува со низа проблеми, од најавените царини на новоизбраниот американски претседател Доналд Трамп за сите канадски производи, до оставката на министрите од неговиот кабинет и пад во поддршката на гласачите.