Во понеделникот вечерта на државната руска телевизија имаше ретко признание дека инвазијата на Украина не оди според планот и дека руските приказни за украинска валкана бомба се сериозни измислици. Храбар автор на тие изјави е Виктор Олевич, експерт за надворешна политика, кој без воздржување зборуваше во студиото, што предизвика непријатност кај гостите, особено кај водителот Андреј Норкин.
Во Русија Олевич се претставува како „најголем експерт за Америка“, се вели дека студирал и во САД, но живее и работи во Москва. Од порано има репутација дека не е секогаш „доверлив човек на Кремљ“, пишува Јутарњи лист.
„Ситуацијата е ваква. Почнавме специјална воена операција, целосно го потценивме непријателот и по осум месеци не можеме да го победиме. Попатно постојано се жалиме на земјите кои сакаат да ја уништат Русија“, рече Олевич, на што водителот одговорил:
„Не се жалиме, туку им се лутиме“.
„Можеме да бидеме лути колку што сакаме, но тоа нема да ги реши нашите проблеми“, одговорил Олевич.
Meanwhile in Russia: TV hosts clearly regretted the moment they asked an expert for his opinion regarding the Kremlin's allegations of a so-called "dirty bomb" Ukraine is supposedly planning to detonate. pic.twitter.com/b725cJA2W2
— Julia Davis (@JuliaDavisNews) October 25, 2022
После тоа се отворила тема околу информациите дека Украина сакала да употреби валкана бомба.
„Каде се документите? Каде се вистинските информации за таа бомба? Каде е, каде планираат да јакористат. Не разбирам зошто зборуваме за тоа. Каде се доказите? Ваквите провокации не доаѓаат без наредба „од горе“. Ако Русија има разузнавачки информации за валканата бомба, нека покаже“, инсистира Олевич.