Звучи како лоша шега, но се случува постојано. Луѓето во Германија мора да платат казни за паркирање на својот автомобил пред сопствената гаража. Сопствениците на куќи се револтирани.
Мислите дека тоа не е можно. Сепак, долг е списокот на оние кои морале да платат казни само затоа што го паркирале автомобилот пред сопствената гаража, пишуваат германските медиуми.
Казни за паркирање пред сопствена гаража
Всушност, би претпоставиле дека можете да правите што сакате со вашиот имот. Доколку поседувате сопствена куќа со автомобил и гаража, звучи логично сами да одлучите како да се однесувате на вашиот имот.
Наместо секој пат да морате да го паркирате вашиот автомобил во гаражата, можете едноставно повремено да го паркирате пред неа. Сепак во многу случаи, вашиот автомобил е надвор од имотот кога е паркиран пред гаражата. А тоа значи дека можете да му сметате на некој.
Ова е паричната казна што можете да ја добиете
И тоа може да резултира со парични казни. Се разбира, сепак зависи од тоа до каде е автомобилот и колку службеникот ќе има разбирање кога ќе ве извести за прекршокот. Доколку автомобилот му смета на некој, можете многу лесно да добиете парична казна, пишуваат германските медиуми.
Сите знаат дека не може да се паркира на тротоар. Доколку возилото штрчи неколку сантиметри надвор од имотот, вработените во Управата за јавен ред можат да ве казнат со 55 евра.
Ако ова се повтори неколку пати, постои дури и ризик од добивање казнени поени. За да го избегнете ова, доближете го автомобилот што е можно поблиску до гаражата – или, најдобро од сè, само внесете го во неа.