Уште еден малолетник, кој е осомничен дека учествувал со шеснаесетгодишник во убиството на Ѓорѓе Мијатовиќ во неделата во Вождовац, е идентификуван како Н.З. (17) и уапсен. Тој, како што пренесоа српските медиуми, се предал во придружба на адвокат и родители.
Двајцата малолетници ќе одговараат за тешко убиство.
Утрово 16-годишниот напаѓач на Мијатовиќ беше сослушан пред судијата за малолетници на Вишиот суд по неговото апсење, по што Вишото јавно обвинителство во Белград предложи да му биде одреден притвор.
Притворот е предложен за да не влијае на сведоците кои ќе бидат сослушани во текот на истрагата, поради опасност да го повтори делото доколку биде пуштен на слобода, како и поради вознемиреност во јавноста, потврдија за Курир од Вишото јавно обвинителство во Белград.
Починатиот Ѓорѓе Мијатовиќ, кој живеел во зградата во близина на паркот каде се случи злосторството, е помлад брат на Војин Мијатовиќ, министер во Владата на Босна и Херцеговина.
Според неофицијални информации, Мијатовиќ бил нападнат од група малолетници кои, според соседите, претходно го малтретирале неговиот син. Тој бил брутално нападнат и претепан, а се здобил со тешки повреди на главата.
Дачиќ: „Напаѓачите на Мијатовиќ се идентификувани, едниот е уапсен, а другиот ќе се предаде“