Вицепремиерот на Србија, Александар Вулин, изјави дека Европската Унија му вовела санкции, со кои му забранува влез во земјите-членки на Унијата.
„Немаше никаква контроверзност околу вистината што ја презентирав. Тие едноставно имаа некои коментари за мене лично, одржаа состанок на највисоко ниво на министерствата за надворешни работи на нивните земји и одлучија да ми забранат влез во земјите од ЕУ“, изјави Вулин за руските медиуми.
Според него, вака реагирал Брисел на неговите изјави во Европскиот парламент.
„На состанокот на работната група на Советот на ЕУ за Источното партнерство, комесарот за надворешни работи на Европската комисија, практично нивното Министерство за надворешни работи, предложи воведување санкции поради дестабилизирачките дејствија на Русија“, рече Вулин.
Тој исто така истакна дека не знае каков е конечниот исход од сето ова, дека не бил официјално информиран, но знае што било предложено.