За прв пат во анкетите, АфД се изедначи со ЦДУ/ЦСУ

Шест недели по федералните избори во Германија, Алтернатива за Германија (АфД) за првпат има подеднаква поддршка од гласачите со Христијанско-демократската унија на Германија (ЦДУ) и нејзината сестринска партија Христијанско-социјалната унија од Баварија (ЦСУ), покажуваат националните анкети.

Ова е најголемата поддршка што АфД ја има постигнато досега, пишува „Цајт“.

Според весникот, АфД очигледно го користи разочарувањето на ЦДУ/ЦСУ, на пример поради огромната програма за задолжување за инвестиции што ја овозможи заедно со Социјалдемократската партија на Германија (СПД) и Зелените со измена на Основниот закон.