Трагична несреќа се случи денеска во местото Липничко брдо, меѓу Какањ и Вареш, а во неа животот го загубија четири лица, меѓу кои и сопственикот на компанијата „Делта Петрол“, Бакир Спахиќ.
Како што претходно објави „Аваз“ се работи за двајца браќа, а како што неофицијално дознава, едниот од нив е Бакир Спахиќ, сопственик на фирмата „Делта Петрол“ и неговиот брат С.С., и уште две лица чиј идентитет не е познат.
Тие настрадале во теренецот кога паднале од шумскиот пат во провалија длабока речиси 300 метри. При превртување на возилото телата испаднале од џипот.
Истрагата се уште е во тек за да се утврдат сите детали за оваа страшна несреќа.
За трагедијата се огласи и градоначалникот на Какањ, Мирнес Бајтаревиќ.
Тој излегол на местото на настанот за да ги координира активностите за цивилна заштита неопходни за извлекување на телата на жртвите.
– Ова е навистина голема трагедија. Какањ е во шок и неверување. Длабоко сочувствувам со семејствата и со многу луѓе кои се длабоко тажни откако дознаа за оваа тажна вест – рече градоначалникот Мирнес Бајтаревиќ.