Захарова: Се обновуваат контактите меѓу Русија и САД

Портпаролката на руското Министерство за надворешни работи Марија Захарова изјави дека се обновуваат контактите меѓу Русија и САД, откако тие беа речиси целосно прекинати минатата година.

„Се обновуваат контактите меѓу Русија и САД, бидејќи претходно беа целосно прекинати. Ова, се разбира, не е едноставна задача, но се одвива во различни насоки“, истакна Захарова.

Таа нагласи дека клучна улога во овој процес имаат рускиот министер за надворешни работи Сергеј Лавров и американскиот државен секретар Марко Рубио, кои го отворија просторот за консултации меѓу дипломатите.

Захарова, исто така, истакна дека контакти се одржуваат и на парламентарно ниво, при што руските сенатори комуницираат со нивните американски колеги.