Захарова: Се подготвува документацијата, Русија ќе поднесе жалба

Москва има намера да поднесе жалба до меѓународните судови во врска со вмешаноста на Украина во терористичките напади во Руската Федерација.

За таа цел се подготвуваат документи, изјави претставникот на Министерството за надворешни работи на Русија, Марија Захарова.

– Русија има намера да поднесе жалба до меѓународните судови. Сега се подготвуваат соодветните документи, а нашата земја минува низ соодветните задолжителни процедури – рече Захарова на Канал 1.

Таа додаде дека безбедносните служби треба да ја завршат работата во врска со нападот на салата Крокус, а за овој терористички напад е испратен допис до Украина.