Втората фаза од руската инвазија на Украина беше обележана со масовна употреба на хеликоптери, транспортни и борбени, особено во операцијата во Киев.
Имено, руската армија се повеќе користи борбени хеликоптери „КА-52“ кои ги штитат транспортните хеликоптери, кои се користат за приземјување на силите и заземање клучни точки на украинската воена инфраструктура.
Снимките од социјалните мрежи денеска покажуваат дека рускиот борбен хеликоптер „КА-52“ се појавил над Межигорје, елитна киевска населба, кој прелетал со низок лет и фрлал мамки ИЦ. Досега не е забележана борбена акција на Украинците против овие авиони.
Исто така е забележан руски хеликоптер кој е соборен во Хостомел во регионот на Киев. Камерите забележале и пад, но засега не е јасно дали пилотите се спасени или загинале.
Досега, според податоците од социјалните мрежи, Русија загубила три борбени хеликоптери КА-52, додека еден бил принуден да слета целосно вооружен, а пилотот бил заробен.