Украинскиот претседател Володимир Зеленски ги информираше западните партнери дека Русија планира да ги засили нападите со беспилотни летала.
„Русија сака да лансира 1.000 дронови дневно. Но, ние ќе можеме да ги пресретнеме сите. Постојат решенија – дронови-пресретнувачи. Ако нашите партнери прифатат сè што споделив и ако ресурсите се соодветно распределени, ќе можеме да ги пресретнеме“, рече Зеленски на прес-конференција во Рим.
Зеленски изјави дека неколку производители веќе потврдиле дека имаат ефикасна технологија способна да се спротивстави на беспилотните летала Шахед. „Најдовме решение. Ние како земја. Постојат четири украински компании и една американско-украинска компанија кои ги произведуваат потребните дронови. Она што ни треба сега е да го зголемиме производството“, истакна тој.
Претходно, Зеленски објави дека Русија лансирала 18 ракети и околу 400 дронови врз Украина во ноќта од среда кон четврток, главно насочени кон главниот град и регионот Киев.