Украинскиот претседател Володимир Зеленски штотуку го заврши своето обраќање пред медиумите во Јужноафриканската Република, каде што престојува во рамките на дипломатската турнеја. Тој зборуваше на украински, а преводот беше објавен подоцна.
Зеленски го опиша вечерашниот руски напад врз Киев како „несомнено еден од најтешките и најбезобразните досега“.
Зборувајќи за вчерашните разговори меѓу американски и европски претставници во Лондон, тој рече дека тие биле „тешки, но конструктивни“.
„Сигурен сум дека Русија вчера посакуваше голема поделба“, рече тој.
На Русија не и се допаѓа сојузот што се собра околу Украина, бидејќи без него Украина би била полесна мета“.
За Крим: Уставот на Украина не дозволува компромис
Зеленски одговори и на прашањето за неговото одбивање да ја прифати руската анексија на Крим, која, според некои извештаи, била вклучена во нацртот на американскиот мировен план од седум точки.
„Подготвени сме да направиме се што ќе предложат нашите партнери, но не можеме да направиме нешто што е спротивно на нашиот устав“, рече тој.