По уште една недела интензивни руски воздушни напади врз неговата земја, украинскиот претседател Володимир Зеленски денеска го повтори својот повик до западните сојузници да помогнат во воздушната одбрана.
Само во изминатата недела беа регистрирани повеќе од 1.100 напади со наведувани бомби и повеќе од 560 напади со дронови, објави Зеленски на социјалната мрежа „X“.
На Украина и треба помош во заштитата на својот народ, нагласи Зеленски, кој објави и видео од последното уништување.
Соработката со западните партнери продолжува со цел да се запре теророт на рускиот непријател, рече тој.
Украинската воздушна одбрана соопшти за 80 руски напади со дронови само во текот на претходната ноќ. Повеќе од половина биле соборени.
Покрај копнените операции, Русија речиси секојдневно спроведува воздушни напади против Украина повеќе од две и пол години. Таа постојано ја гаѓаше особено енергетската инфраструктура на Украина.