Украина постигна целосна победа против Русија пред Меѓународниот суд на правдата на ОН, изјави украинскиот претседател Володимир Зеленски. Судските одлуки се обврзувачки, но судот нема директни средства да ги спроведе.
„Судот и нареди на Русија веднаш да ја запре инвазијата на Украина. Наредбата е обврзувачка за Русија според меѓународното право“, објави Зеленски на Твитер.
Україна здобула повну перемогу у справі проти Росії в Міжнародному суді ООН. Суд зобов’язав РФ негайно припинити вторгнення в Україну. Наказ є обов'язковим до виконання Росією згідно з міжнародним правом. Ігнорування рішення зажене РФ у ще більшу ізоляцію.
— Володимир Зеленський (@ZelenskyyUa) March 16, 2022
„Украина извојува целосна победа во случајот против Русија пред Меѓународниот суд на правдата. МСП нареди итно запирање на инвазијата. Наредбата е обврзувачка според меѓународното право. Русија мора веднаш да послуша. „Игнорирањето на наредбата дополнително ќе ја изолира Русија“, рече Зеленски во објава на Твитер, пренесува Ројтерс.
Украина ја поднесе тужбата веднаш по почетокот на руската инвазија на 24 февруари, тврдејќи дека оправдувањето на Русија за дејствување за спречување на геноцид во источна Украина е неосновано.
Меѓународниот суд на правдата (МСП) денеска ѝ наложи на Руската Федерација да ги прекине воените операции во Украина.
Тие исто така бараат од Москва да ги запре другите сили под нејзина контрола или со поддршка на Русија.
Иако судските одлуки се обврзувачки, тој нема директни средства за нивно извршување, а во ретки случаи, земјите ги игнорирале во минатото, наведува Ројтерс.