Фото: talksport.com
Тренерот на Реал Мадрид, Зинедин Зидан ги сподели своите очекувања за средбата со Бриж во 2. коло од групната фаза во Лигата на шампионите. Тој најави игра на победа со цел враќање на довербата кај навивачите.
„Навивачите играат многу важна улога. Знаеме дека започнавме многу слабо во Лигата на шампиони, но ова е добра шанса да ја вратиме нивната наклонетост. Тие заслужуваат да бидат израдувани“, изјави Зидан.
Францускиот стручњак уште еднаш ја потенцира важноста на мечот со белгискиот претставник во елитното натпреварување.
„Треба да играте напорно во моменти кога противникот ќе има посед на топка. Поседувањето топка овозможува создавање шанси. Мора да запомниме дека овој меч е многу, многу, важен за нас. Само победа е опција“, истакна Зидан.