Централна Европа се бори со силните поплави, кои однесоа неколку животи. „Виновник“ за обилните врнежи е циклонот Борис кој имаше поинаква патека од типична за циклоните.
Централна и Источна Европа се погодени од катастрофални поплави по обилните дождови предизвикани од циклонот Борис.
Полскиот премиер Доналд Туск прогласи состојба на природна катастрофа, а во Австрија зборуваат за „невидена екстремна ситуација“. Тешка е ситуацијата и во Романија и Чешка, а Унгарија ја очекува најлошото во следните неколку дена. Бројот на загинати се зголемува од ден на ден.
Зошто „Борис“ е необичен?
Дежурниот метеоролог од словенечката агенција за животна средина, Тимотеј Козељ за N1 објасни зошто овој циклон бил толку разорен.
„Минатата недела, голема површина на студен воздух се продлабочи над западна или централна Европа. Над нашиот регион во северниот дел на Јадранот се формира секундарен циклон. Овие циклони обично патуваат кон јужниот дел на Балканот, но овој пат циклонот се пресели на исток и остана таму“, рече Козељ.
Со јужни или источни ветрови, влажниот воздух се турка во источните Алпи во Австрија и Татрите на границата меѓу Полска и Чешка. Излезе многу влага, што резултираше со обилни врнежи.
Во источна Австрија за два дена паднале два до четири пати повеќе врнежи отколку во просечниот септември.
„Чудното е што циклонот се задржа долго време, поради што врнежите беа толку упорни и долготрајни. Тоа е невообичаено за тие делови“, додаде Козељ. Како што појасни метеорологот, циклонот Борис долго време го „циркулира“ тој простор, бидејќи над Атлантикот и Русија има антициклони кои го држат циклонското подрачје над Балканот и источниот дел на Централна Европа.
Влошувањето на времето донесе и значително заладување. На некои места на австриските Алпи падна повеќе од еден метар снег. Сепак, границата за врнежи од снег падна под 1.000 метри надморска височина.
Според Козељев денеска во областа ќе има одредени врнежи, а потоа постепено ќе престануваат.