Човекот кој ноќта меѓу вторникот и средата беше претепан до смрт на улицата Косовска во центарот на Нови Сад е познатиот уличен музичар, 61-годишниот Кристијан Костиќ Блеки.
Набргу по инцидентот уапсен е 21-годишниот Ж. Р.од Жабља. Младиот човек е осомничен дека го претепал Костиќ, а музичарот од повредите починал во Клиничкиот центар во Војводина.
Веста за смртта на Костиќ ги шокираше неговите колеги и многу жители на Нови Сад кои речиси секој ден можеа да го слушаат и да го видат како свири гитара во центарот на Нови Сад. Кристијан имаше и свој канал на Јутјуб на кој беше објавена обработка на песната на војводинскиот блуз состав „Некој како тебе“, а во коментарите под видеото многумина се простија од него.
Имено, новосадската брза помош во пет часот утрото добила повик дека на улица „Косовска“, пред број 7а, се наоѓа маж во бессознание. Екипа на Брза помош на лице место го згрижила повредениот и го пренела на одделението за интензивна нега, каде набргу починал. На осомничениот му е одредена мерка притвор до 48 часа и со кривична пријава ќе биде изведен кај вишиот државен обвинител во Нови Сад.