Грчките власти го продолжија „одморот“ за банките до петок и дозволија да се извршуваат повеќе услуги, како што се повеќе пари за пензионерите, плаќања на долгови по кредитни картички и заеми, плаќања на даноци и друго, јави дописникот на МИА од Атина.

Со најновиот законски акт што го издаде Министерството за финансии исто така се дозволува трансфер на пари од една на друга сметка во рамките на иста кредитна институција.