Израелскиот премиер Бенјамин Нетанјаху ги отфрли повиците на опозиционен лидер во земјата да засолни сириски бегалци. Според него Израел е премногу мала држава, за да си го дозволи тоа.
“Не сме рамнодушни кон човечката трагедија”, рече премиерот во почетокот на владината седница и потсети дека во израелските болници се лекуваат повредени борци од граѓанската војна во Сирија.
“Но Израел е многу мала држава. Немаме ниту географски, ниту демографски капацитет”, додаде тој. “Ројтерс” објаснува дека се има предвид дека усвојувањето на арапски бегалци може да ја промени демографската слика во земја каде што околу една петтина се Арапи, а властите држат до политката земјата да се развива како држава на Евреите.
Според Исак Херцог, лидер на главната опозициска партија “Ционитичка унија”, иако нема апели од светот Израел да прифати бегалци, Нетанјаху има морален долг да го направи.
“Премиерот на еврејскиот народ не смее да го затвори своето срце и портите кога луѓе спасуваат животи со бебиња на раце”, изјави Херцог. Темата е чувствителна за општеството во земја која настанала како засолниште за илјадници Евреи, преживеани од холокаустот во Европа и неколкуте војни со Арапите во Блискиот Исток.
Во дебатата интервенира и палестинскиот лидер Махмуд Абас, кој повика да им биде дозволено да се вратат на Западниот брег палестинските бегалци, кои со децении живеат во кампови во Сирија. Израел возврати дека целокупното прашање за правата на палестинските бегалци и нивното враќање ќе биде решено како дел од конечниот и сеопфатен мировен договор. Преговорите за него сепак се замрзнати од 2014 година.
Нетанјаху изјави на неделното седница на владата дека Израел треба подобро да се заштити против имигранти од Африка и исламски екстремисти. По тој повод тој најави почетокот на изградбата на нова 30-километарската делница на куќишта на границата со Јордан, со која од 1994 година има мировен договор.
Долга 230 километарска ограда беше завршена во 2013 година и на границата со Египет, со кој има мировен договор од 1979 година
Високи жица на кои се закачени сензори има и долж границата со Либан и Голанската Висорамнина.