Турски полицајци и специјални единици спровеле операција за апсење на учесници во обидот за државен удар, кои се наоѓале во воздухопловната база во провинција Коња.
Според телевизискиот канал „Хабер Турк“, за време на операцијата се користени водени топови.
Полицијата и специјалните единици влегле во воената база со наредба за задржување на некои офицери осомничени за вмешаност во обидот за преврат.
Употребата на водени топови може да значи дека на полицијата и бил даван отпор. Според достапните податоци операцијата во базата е под контрола, пренесе ТАСС.
Според АФП, избиле судири меѓу учесниците во обидот за преврат во Турција и силите за безбедност. Агенцијата цитира претставник на властите во Турција.
Турската армија дала предупредувачки истрели крај аеродромот „Сабиха Ѓукчен“ во азискиот дел на Истанбул, пренесоа АП и Ројтерс.
Поддржувачите на неуспешниот пуч не одговориле на пукањето, се спроведуваат апсења, прецизира Ројтерс.