Секој што ќе го запали американското државно знаме треба да се соочи со последици, како одземање на државјанството или затворска казна, бара новоизбраниот претседател на САД, Доналд Трамп. Ваквиот став, Трамп денеска го соопшти преку порака на својот официјален твитер-профил.
„На никого не смее да му биле дозволено да го пали американското знаме. Доколку некој го запали, мора да има последици – одземање на државјанството или една година затвор“, напиша Трамп на „Твитер“.
Nobody should be allowed to burn the American flag – if they do, there must be consequences – perhaps loss of citizenship or year in jail!
— Donald J. Trump (@realDonaldTrump) November 29, 2016
На протестите кои се одржаа во повеќе градови на САД против изборот на Трамп за нов претседател, дел од демонстрантите својот револт го искажаа и со палење на државното знаме на САД.
Дел од светските новински агенции забележуваат дека со ваквата порака Трамп директно ја оспорува слободата на изразување, гарантирана со Првиот амандман од Уставот на САД.
Врховниот суд на САД во 1969 година донесен пресуда според која Првиот амандаман од американскиот устав, со кој се штитат слободата на говор и политичката слобода, забранува казнување за палење на државното знаме.