Заменик премиерот на Турција Нуман Куртулмус изјави дека Анкара стравува од прилив на уште 600.000 бегалци поради жестоките борби околу Алепо во Сирија.

„Најлошото сценарио кое би можело да му се случи во овој регион е за кратко време да дојдат нови 600.000 бегалци на турската граница.“, изјави Куртулмус.

Тој рече дека приоритет на неговата земја е да ги задржи Сиријците кои бегаат од судирот внатре во границите на неговата земја и таму да им се пружи помош.

Во изминатите денови десетици илјади Сиријци стигнаа на границата со Турција бегајќи од судирот во Алепо, а Турција веќе четврти ден ја држи границата затворена и уште не се знае дали ќе им дозволи на бегалците да влезат.