107
Најмалку 65 лица загинаа откако кран се урна во Големата џамија во Мека, објави Службата за цивилна заштита на Саудиска Арабија.
Повредени се над 154 лица.
Според информациите на телевизијата “Ал Арабија” кранот паднал поради силните бури во Мека.
Тешкиот инцидент се случува само неколку недели пред почетокот на Хаџ, кој е најголемиот религиозен аџилак во светот, потсетуваат агенциите.
Властите преземаат сериозни мерки да ја подобрат безбедноста, инвестираат огромни суми во главните места на аџилак, како и во транспортниот систем на градот.
Минатата година Кралството го ограничи бројот на верниците кои можат да влезат во Големата џамија токму поради причини поврзани со градежните активности.