Три лица се убиени во пукотница која се случила попладнево во фризерски салон во центарот на шведскиот град Упсала, јавуваат локалните медиуми. Во градот моментално е во тек полициска операција.
Според информации од шведската телевизија СВТ, полицијата ја опколила голем простор во близина на плоштадот Ваксала, откако неколку граѓани пријавиле дека чуле истрели во областа. Портпаролот на полицијата, Магнус Кларин, изјави дека засега полицијата не може да даде повеќе детали за инцидентот.
BREAKING:
Several people shot to death on a square in Uppsala, Sweden
— Visegrád 24 (@visegrad24) April 29, 2025
Шведскиот весник „Афтонбладет“ објави дека, според информации од очевидци, три лица биле убиени во салонот, а осомничениот убиец избегал со електричен тротинет. Во полициската потрага учествува и хеликоптер.
Сведок на настанот кој живее во близина изјави дека пукањето се случило околу 17:10 часот. „Се слушна истрел, а потоа слушнав вресоци. Поминаа околу десет минути пред да пристигне полицијата,“ изјави сведокот. Дополнително, еден од очевидците изјавил дека чул пет истрели и видел луѓе како трчаат во различни насоки.
Полицијата продолжува со истрагата и го бара осомничениот.
ADMIN POST.
Several people injured in mass shooting in the "Modern Sweden" city of Uppsala.
Police responded to multiple reports of gunfire.
Situation just unfolding. pic.twitter.com/uepaqhCRlo
— Tommy Robinson 🇬🇧 (@TRobinsonNewEra) April 29, 2025