Студентите по машинско иженерство на швајцарскиот универзитет „ETH Zurich“ напорно работат на врвните роботи коишто би можеле да го сменат начинот на изучување на океаните.
Роботската риба „Ева“ мавта со силиконските перки поставени од двете страни на нејзиното тело и без проблеми се движи низ ладната вода на езерото во Цирих, каде научниците го тестираат проектот „Surf – eDNA“.
Имено студентите од „ETH Zurich“ веќе две години изработуваат и го тестираат јатото на роботски риби – помеѓу коишто рибата „Ева“ е последна нивна креација. „Ева изгледа како риба за да бидеме што помалку инвазивни во рамките на екосистемот којшто го истражуваме. Нејзиниот дизајн не би требало да ги исплаши другите риби во езерото“, изјави за „CNN“, Денис Бауман од универзитетот „ЕTH Zurich“.