🎥Како изгледа внатрешноста на продавница со потпис на Анџелина Џоли

од Radmila Tasevska
693 прегледи

Иако претходно откри дека баш и не ја интересира модата, Анџелина Џоли отсекогаш била позната како актерка со добар стил, пренесе Стандард лајф.

Нејзините комбинации ретко беа екстравагантни, туку би можеле да ги опишеме како олицетворение на естетиката на тивкиот луксуз.

Покрај споменатиот добар вкус, актерката отсекогаш била заинтересирана за хуманитарна работа и грижа за околината, па минатата година најде начин сето тоа да го спои.

Во местото каде што уметникот Жан-Мишел Баскија живеел и работел на почетокот на 80-тите, Џоли отворила своја продавница, што е многу повеќе од тоа!

За време на реновирањето, тимот на „Atelier Jolie“ се погрижи многу да го зачува интегритетот на архитектурата, која има вековна историја која го вклучува и Енди Ворхол.

Мебелот и опремата низ зградата се преработени или винтиџ, а мебелот на кафулето, кој исто така се наоѓа во истиот простор, доби нов живот со реставрација. Целиот ентериер има ретро вибрација, така што стариот мебел сместен во осветлен простор изгледа многу модерно.

 

View this post on Instagram

 

A post shared by Atelier Jolie (@atelierjolieofficial)

Првото нешто што паѓа во очи е античкиот дрвен комплет со соодветните фотелји, а реставрираното пијано обоено во бела боја и дава романтична нота на собата.

Во просторот доминира дрвото, но и металите како релјефно огледало составено од неколку кубни делови и златни светлосни тела кои создаваат енергија во просторот.

Просторот беше замислен како место кое ќе ги демонстрира придобивките од етичкиот и одржлив начин на живот, а во проектот се вклучени студенти и алумни на Факултетот за дизајн Парсонс. Младите уметници во овој простор ќе ги изложат своите дела, но и ќе преработат некои оштетени парчиња.

„Atelier Jolie“ има и свое кафуле, а го води „Eat Offbeat“, ресторан и угостителски колектив кој ги прикажува кулинарските таленти на бегалските заедници во Њујорк.

Внатре во кафулето, посетителите можат да седнат на старинска маса и да цртаат.

 

Слични содржини