Volvo веќе претстави неколку електрични модели, а следен на ред е електричниот седан ES90 кој ќе се произведува во фабрика лоцирана во провинцијата Жеџијанг во источна Кина.
Електричниот седан има внатрешно кодно име „V551“ и е изграден на истата SPA2 платформа како и EX90.
Претходно протечен внатрешен меморандум вклучуваше и некои прелиминарни технички спецификации. Наводно, Volvo ES90 ќе биде долг 4990 mm, со меѓуоскино растојание од 3102 mm. Висок е 1547 mm и широк 1945 mm. Ова го прави директен конкурент на BMW i5, Mercedes EQE и Audi A6 E-Tron.
Новиот електричен седан на Volvo тежи околу 2.600 килограми во варијантата AWD со двоен мотор и 2.500 килограми за верзијата RWD со еден мотор. Има голема батерија од 111 kWh и би требало да постигне опсег од околу 600 километри за моделот со еден мотор.
Продажбата треба да започне на почетокот на 2025 година, а ќе се продава и во Европа.