Дека светот оди во погрешна насока веќе не е новост. Меѓутоа, секој ден човек е изненаден од нова, до сега незамислива глупост.
На пат некаде во САД, возач на Tesla Cybertruck е снимен како го вози автомобилот носејќи VR очила!?!
Во видеото објавено на X (поранешен Twitter), може да се види возач без раце на воланот како користи Apple Vision Pro – најновиот производ за виртуелна реалност од американскиот технолошки гигант.
Се прашувате како не излетал од патот или не предизвикал сообраќајна несреќа? Имено, Tesla Cybertruck нуди можност за полуавтономно возење.
Reminder—ALL advanced driver assistance systems available today require the human driver to be in control and fully engaged in the driving task at all times. pic.twitter.com/OpPy36mOgC
— Secretary Pete Buttigieg (@SecretaryPete) February 5, 2024
Станува збор за систем Full Self-Driving (FSD), кој сепак бара од возачот да биде внимателен и подготвен да ја преземе контролата доколку полуавтономниот систем открие опасност или се исклучи.
Оригиналното видео собра повеќе од 24 милиони прегледи и предизвика бурни реакции – вклучително и предупредување од американскиот секретар за транспорт Пит Бутиџиг, кој го сподели видеото:
„Сите напредни системи за помош на возачот што се достапни денес бараат од возачот постојано да има контрола и целосно да се вклучи во возењето“, се вели во соопштението.