Поранешниот параолимпиец Оскар Писториус има нова девојка, пишува Daily Mail.
Тој беше пуштен на условна слобода од јужноафрикански затвор на почетокот на годината, речиси 11 години по убиството на неговата девојка Рива Стинкамп. Тој ја застрелал повеќе пати низ вратата од бањата во 2013 година, а подоцна тврдел дека мислел дека е провалник.
Странските медиуми пишуваат дека семејството на Рива Стинкамп е загрижено и дека испратиле предупредување до новата девојка на Оскар, Рита Грејлинг. „Не разбирам. Тој е сè уште насилен“, изјави мајката на Рива за странските медиуми, а нејзината сестра Симоне рече: „Дали е таа луда? и истакна дека ја предупредила „да спие со едно отворено око“.
Rita Greyling, 33, a business management consultant from Wakkerstroom in Mpumulanga. The new girlfriend of Oscar Pistorius.
She is brave. Valentine is 7 weeks away. pic.twitter.com/zaFu5bAVfO
— LesetjaMO (@MoLesetja) December 16, 2024
“Она што ме шокираше најмногу е колку таа личи на Рива. Имаат иста градба, исто лице, коса, дури и очи. Дали е толку болен што сака да најде некоја како неа? Се прашувам дали сакаше да ја замени Рива со некој друг, откако ја убил, се прашувам како може една жена да ги затвори очите и да спие со маж за кој знае дека испукал четири куршуми во жената за која рече дека ја сака многу. Толку сум толку шокирана“.
„Оскар се обидува да го обнови својот живот“
33-годишната Рита е ќерка на богат фармер од Вакерстром, Јужна Африка. Таа неодамна беше видена во јавноста со Оскар, а наводно се семејни пријатели долги години. Странските медиуми пишуваат дека тие се во врска околу три месеци. „Тој се обидува да го обнови својот живот на тивок начин, избегнувајќи ги кафулињата и рестораните и јавноста воопшто“, рекол извор близок до Оскар, додавајќи дека двојката најверојатно ќе ја чува својата врска строго во тајност.
Затворската служба на Јужна Африка соопшти дека и покрај неговиот јавен профил, поранешната ѕвезда ќе биде третирана како и секој друг на условна слобода. Тоа значи дека тој ќе биде затворен во својот дом во одредени часови од денот и дека му е забрането да пие алкохол. Тој исто така не смее да зборува за медиумите.
Потсетуваме дека Рива Стинкамп, која имаше 29 години кога беше убиена, беше дипломиран правник и успешна манекенка, која работеше и како ТВ водителка и се појавуваше во реално шоу. По дипломирањето, таа планирала да основа адвокатска канцеларија за помош на злоупотребени жени. Стинкамп била во врска со Писториус три месеци кога тој испукал четири истрели од пиштол низ вратата од тоалетот на нејзиниот дом во Преторија во раните утрински часови на 14 февруари 2013 година.