Корисничка на TikTok, Морган Мулинс на својот профил објави урнебесно видео од нејзиното прасе Стробери, кое собра повеќе од 2,7 милиони прегледи.
Стробери е седумгодишна минијатурна свиња, а Малинс ја опиша за Newsweek како „љубовта на нејзиниот живот“. Минијатурната свиња ги поминува деновите на фармата што ја водат Малинс и нејзиниот сопруг.
Бидејќи Стробери избира дали ќе биде во куќата или во дворот, една вечер им приредила вистинско изненадување на сопствениците. Додека тие не обрнувале внимание, таа упаднала во гаражата и се почестила со нивното пиво.
@mjaymgee We have had some leftover beers in the garage since Fourth of July and tonight Strawberry decided to ✨treat herself✨ to the rest of them 😂 #HAMmered ♬ original sound – Morgan Mullins
Малинс во едно интервју изјави дека таа и нејзиниот сопруг сфатиле дека нешто не е во ред кога слушнале како патки викаат во дворот. Кога стигнале до гаражата, наишле на хаос – уништени картонски кутии, расфрлани лименки пиво и пијана Стробери која се тетерави до нејзиното место за спиење.
Нејзината сопственичка открила дека Стробери следното утро турка празни лименки бидејќи се надевала дека ќе најде уште некоја капка пиво.
„Можам да го почувствувам нејзиниот мамурлак“, „Оваа прошетка е толку позната“, „Толку е смешно како патката ја гледа за да види дали е се во ред“, „Дури и патката се разбуди за да биде сведок на овој момент“, се пошегуваа гледачите во коментари под видеото.