Џек Ма се откажува од контролните права над Ant Group Co, со што милијардерот се повлекува од својата онлајн империја.
Претходно, во потег без преседан, Кина почна да воведува строги правила за технолошките компании.
Компанијата им нуди на 10 поединци, вклучувајќи го основачот, менаџментот и вработените, независни гласачки права, со што практично се отстранува контролата на Мао врз Ant, се вели во соопштението објавено во саботата.
Прилагодувањето нема да ги промени економските интереси на ниту еден акционер, објави Блумберг.
Ма во голема мера исчезна од очите на јавноста откако одржа говор во кој ги критикуваше кинеските регулатори пред неуспешниот листинг на Ant во 2020 година. Многу од неговите колеги се откажаа од формалните корпоративни улоги и ги зголемија добротворните давања за да се усогласат со визијата на претседателот Си Џинпинг за постигнување „заеднички просперитет “.
Оттогаш Ant се фокусираше на ремонт на своите деловни операции за да ги смири регулаторите. Компанијата ја зголемува својата капитална база за својата група за потрошувачки заеми, почна да поставува заштитни ѕидови во екосистемот што некогаш и дозволуваше да го насочува сообраќајот од платформата за плаќање Alipay со милијарди корисници до услуги како што се управување со богатството и потрошувачко кредитирање.
Промената на контролата може да значи дека Ant ќе мора да чека подолго за долгоочекуваното продолжение на првичната јавна понуда. Компаниите не можат да бидат котирани на домашниот т.н. пазар на акции во земјата, ако имале промена на контролорот во последните три години – или во последните две години, ако се на шангајскиот STAR пазар.
За берзата во Хонг Конг овој период на чекање е една година.