Познатиот холивудски актер Дензел Вашингтон се крсти во саботата во храмот Кели во Њујорк и доби свештеничка дозвола. Пред самиот чин на крштевањето, 69-годишниот актер низ солзи рече: „Помина малку време, но конечно сум тука“.
Неговата изјава до медиумите ја пренесе архиепископот Кристофер Брајант, а ја објави „Пејџ Сикс“.
„Ако Бог може да го направи ова за мене, нема ништо што не може да направи за вас. Небото е буквално граница“, наводно додал актерот.
Проговори и неговата сопруга Паулета Вашингтон, пресреќна што, како што истакна, „го направил овој голем чекор во својата вера“.
„Четириесет и шест години подоцна, јас сè уште стојам до него како што само Господ може да го среди“, рече актерката, која со Дензел ги има синот Џон (40), ќерката Катја (37) и близнаците Оливија и Малколм (33). Нејзиниот сопруг седна на скалите на говорницата, навидум бришејќи ги солзите.
„Значи, јас сум многу горда на тебе. Ти си глава на нашиот дом и им даваш одличен пример на нашите деца, кои сега се пораснати и ја знаат разликата, бидејќи им ја покажавме разликата“, рече Паулета.
Крштевањето на двократниот оскаровец се случи откако пред еден месец зборуваше за религијата во Холивуд.
🔥🚨DEVELOPING: Hollywood actor Denzel Washington got baptized and became a licensed minister in training. pic.twitter.com/EkOXwWK2lv
— Dom Lucre | Breaker of Narratives (@dom_lucre) December 22, 2024
„Кога ќе ме видите, ќе го видите најдоброто што можев да го направам со она што ми го даде мојот господар и спасител. Не се плашам. Не ми е гајле што мисли некој. Видете, зборуваме за делот на стравот – не можеш така да зборуваш и да добиваш Оскар. Не можете така да зборувате и да се забавувате. Не можете да го кажете тоа во овој град. Сега сум слободен. За ова не се зборува во овој град. За тоа не се зборува. За тоа не се зборува. Не е модерно. Не е секси. Но, тоа не значи дека луѓето во Холивуд не веруваат“, рече тој за време на интервјуто за Esquire во ноември.
Во таа прилика тој истакна и дека „во Холивуд не постои група на актери верници“.
„Што воопшто значи Холивуд? За мене тоа значи улица наречена Холивуд булевар. Не е како сите да се сретнеме некаде и да разговараме за она во што веруваме. Така што не знам колку други актери веруваат. Не направив анкета. Како би дознал? Мислам, нема состаноци на верници актери на кои сум бил“.