Украина собори два руски борбени авиони Су-30 со помош на морски беспилотни летала, потврди шефот на украинската воена разузнавачка служба (ХУР), генерал-потполковник Кирило Буданов. Станува збор за дронови „Магура V7“, вооружени со инфрацрвено наведувани ракети AIM-9 Sidewinder, кои дејствувале во Црното Море.
Images of the Magura V7 sea drone that shot down two Russian Su-30 aircraft appeared online.@CovertShores shares more about the drone at Naval News: https://t.co/FV6HqnBvJn https://t.co/NPDA7C8E5u pic.twitter.com/Ly8LJGZXuj
— Anton Gerashchenko (@Gerashchenko_en) May 4, 2025
Како што пренесува специјализираниот портал Naval News, ова е прв пат во историјата борбени авиони да бидат соборени од морски дронови. Според Буданов, два дрона испукале по една ракета и прецизно погодиле два различни авиони Су-30 – повеќенаменски ловци од фамилијата „Фланкер“.
Иако снимка постои само од првиот напад, Буданов за американската страница The War Zone изјави дека и вториот авион бил погоден, но моментот не е документиран.
Naval News потврдува дека дроновите што учествувале во нападот се поголемата и досега необјавена верзија „Магура V7“, која се разликува од претходно познатиот модел V5. Дронот V7 е долг околу осум метри (наспроти 5,5 метри кај V5) и е дизајниран за посложени борбени мисии. Според порталот, новиот модел има понапреден дизајн, подобрена морска стабилност и носи повеќе комуникациски и сензорски системи.
За разлика од стандардниот V5, кој обично се користи за напади со експлозивни полнења врз непријателски бродови, V7 најверојатно може да носи и разновидно оружје. Засега не е потврдено дали V7 е специјализиран само за ракети „Сајдвиндер“ или има и други капацитети. Овој преседан, според Naval News, претставува значајна промена во правилата на поморското војување и укажува на нова фаза во употребата на беспилотна технологија на море.
‼️For the first time in history, Warriors from Ukrainian Defense Intelligence destroyed an enemy combat aircraft with a strike from Magura sea drone.
The strike was carried out by Group 13, a special unit of the Defense Intelligence in coordination with Security Service of… https://t.co/aUhktjUP7n pic.twitter.com/5cixykIOPa
— Anton Gerashchenko (@Gerashchenko_en) May 3, 2025