Припадниците на косовската полиција од северниот регион, со помош на специјалната полиција и други косовски безбедносни структури, влегле во преостанатите објекти на Република Србија на север, од Косово пренесува „КоССев“.
Како што потврди за „КоССев“ заменик-командантот на косовската полиција за северниот регион, Ветон Ељшани, „полицијата влегла во привремената управа во северна Косовска Митровица, во зградата на округот Митровица каде е сместена Канцеларијата за Косово, и уште во три објекти во Звечан, Лепосавиќ и Зубин Поток“.
Косовската полиција се наоѓа во овие објекти каде ги запленува и ги прегледува документите што ги поседуваат овие институции.
Станува збор за синхронизирана акција која започна во сите четири општини во 17 часот, со голем број полицајци.
Голем број припадници на косовската полиција се видливи на неколку точки во Косовска Митровица, а како што известуваат читателите на „КоССев“, полицијата е видлива и во другите општини.
Акцијата следува по посетата на високи безбедносни функционери и дипломати во регионот и Приштина, како шефот на ЦИА пред неколку недели и тројца високи функционери на НАТО.
Сите тие испратија порака дека Приштина не треба да прави еднострани потези, односно да ги координира своите акции во однос на Северот со своите сојузници.