Утрово во сплитската населба Пујанке дојде до жесток судир меѓу навивачи во пресрет на дерби-средбата меѓу Хајдук и Динамо, која се игра денес во 16:00 часот. Според официјалните информации од полицијата, неколку лица се уапсени, а против нив е покрената кривична истрага, додека потрагата по другите учесници сè уште трае. Полицијата соопшти дека пријавата за инцидентот била примена утрово околу 9:15 часот, при што била пријавена масовна тепачка меѓу голем број лица.
Благодарение на брзата интервенција, биле спречени понатамошни судири, а јавниот ред и мир биле воспоставени. Според неофицијални извори, во судирот учествувале околу 80 гостински навивачи и над 200 членови на навивачката група Торцида. Неколкумина гостински навивачи биле повредени, а полицијата интервенирала со засилени сили.
03.05.2025🇭🇷Torcida (Hajduk) vs BBB (Dinamo Zagreb) in Split, click here for more: https://t.co/kPe05Rjzpg pic.twitter.com/2FVKABoaoH
— Hooligans.cz Official (@hooliganscz1999) May 3, 2025
На социјалните мрежи се прошири видео кое предизвика бројни реакции. На него се гледа како навивач, наводно член на Торцида, иако со лисици на рацете, успева да побегне од полицаец по стрмна падина. На снимката се гледа дека полицаецот, очигледно исцрпен, не може да го следи бегалецот кој трча со врзани раце зад грб. Сплитската полиција потврди дека околу 100 лица се приведени по тепачката, а неколкумина успеале да избегуваат апсење.
Претресот на теренот продолжува, а против сите приведени ќе бидат поднесени кривични пријави.
03.05.2025🇭🇷Torcida (Hajduk) vs BBB (Dinamo Zagreb) in Split, click here for more: https://t.co/kPe05Rjzpg pic.twitter.com/v9mqiokqtP
— Hooligans.cz Official (@hooliganscz1999) May 3, 2025