Русија продолжува со засилени напади со беспилотни летала врз Украина, при што ноќта кон понеделникот беше изведен еден од најинтензивните напади врз главниот град од почетокот на инвазијата. Граѓаните на Киев сведочат за часови непрекинати летови на дронови, експлозии и одбрана со противвоздушна артилерија, додека небото било осветлувано од рефлектори и траги од ракети.
⚡️:kyiv and odessa hit by russian drone and missile !! #RussiaUkraineWar #Kyiv #Russian #UkraineRussiaWar #Putin #Zelenskyy #odessa #RussianArmy #Moscow #MiaKhalifa pic.twitter.com/h7P06C0gIC
— WAR UPDATES (@FINALBOSS12342) June 10, 2025
Според украинските воздухопловни сили, Русија лансирала вкупно 315 дронови, од кои 250 биле борбени, со најголемиот дел насочени директно кон Киев. Освен дроновите, истрелани биле и неколку балистички и крстосувачки ракети. Во нападите биле оштетени станбени објекти, канцеларии и културни споменици, вклучително и катедралата „Света Софија“, која е под заштита на УНЕСКО. Иако внатрешноста на катедралата останала недопрена, надворешниот дел претрпел оштетување, а експертите предупредуваат дека честите вибрации од експлозиите може да ја загрозат стабилноста на зградата.
Од почетокот на јуни, Русија лансира просечно по 256 ракети дневно, при што доминираат дроновите од типот „Шахед“ и нивните руски копии „Геран“, кои се произведуваат во фабрика во Татарстан. Украинската безбедносна служба соопшти дека таму се произведени најмалку 25.000 дронови, а уште 20.000 се склопени од увезени компоненти. Нападите покажуваат технолошки напредок – граѓаните забележуваат дека новите дронови се побрзи и потешко се откриваат.
One of the Russian strikes on Kyiv last night.
Ukrainians live through that – and the very next morning, we go to work, kids go to schools, life goes on (we have to, we cannot let Russia win). Our resilience never ceases to amaze me, honestly. https://t.co/Kccjybkici pic.twitter.com/mt2xik9ctY
— Anton Gerashchenko (@Gerashchenko_en) June 6, 2025
Жителите на Киев се жалат дека нападите стануваат сè потешки за поднесување. Освен физичката штета, психолошкиот товар е сè поголем. Властите не откриваат дали е оштетена воена инфраструктура, но потенцираат дека Русија сè почесто цели кон цивилни објекти и симболични цели. Ситуацијата на теренот укажува дека Украина се соочува со најинтензивната фаза на воздушни напади од почетокот на војната.