На пистата на аеродромот Палма де Мајорка ноќеска се случи инцидент во авион на „Рајанер“ кој требало да лета за Манчестер. Поради лажна дојава за пожар, авионот е евакуиран, а 18 луѓе се полесно повредени.
Инцидентот се случил половина час по полноќ. Итните служби добиле повик за пожар во авион кој бил на стојалиштето, по што веднаш кон него се упатиле пожарникари со возила и екипи за итна помош.
Шест патника се пренесени в болница на дополнителни прегледи, а останатите се згрижени на местото на настанот со полесни повреди, како превиткани зглобови.
Ryanair 737-800 evacuated at Palma de Mallorca Airport after a fire indication developed on board during taxi.
The SAMU061 coordination center received a call at a.m, reporting a fire on flight RK3446 to Manchester.
A total of 18 people were injured during the evacuation, six… pic.twitter.com/XpCCejGq2t
— Breaking Aviation News & Videos (@aviationbrk) July 5, 2025
Пожарникарите од аеродромот и локалната Цивилна гарда помагале во евакуацијата на патниците, од кои некои сами скокале од крилата за што побргу да избегаат од авионот, во кој всушност не избувнал пожар. Пожарникарите користеле тобогани на надувување, но некои патници биле исплашени и не чекале да им дојде редот да се спуштат на тобоганите.