Во Бристол избувна голем пожар во породилната болница „Свети Михаил“, поради што бремените жени беа итно евакуирани. Црн чад беше забележан над болницата кратко пред 16:30 часот локално време. На местото на настанот интервенираа пожарникарите од противпожарната служба „Ејвон“. Акушерките помогнаа да се изнесат бремените жени од зградата безбедно.
Џес Хачинсон (22) една од бремените жени, изјави дека било многу застрашувачки да слушне дека пожар избувнал на покривот. Полицијата од Ејвон и Сомерсет ги поддржува пожарникарите и соопшти дека улицата „Свети Михаил“ е затворена за сообраќај и за пешаци. Граѓаните се повикуваат да ја избегнуваат областа додека траат операциите.
Мет Бурден од Вестон-супер-Мер беше присутен во породилното одделение со својата сопруга кога избувнал пожарот. Тој рече дека неговата сопруга била во породилни болки со нивното трето дете и дека со нетрпение сака да се врати дома кај нив.
Thick clouds of black smoke in Bristol city centre. #Bristol pic.twitter.com/uUwN5UaZos
— Dan Martin (@Dan_Martin) May 22, 2025