Израел започна воздушни напади врз меѓународниот аеродром во јеменската престолнина Сана, еден ден откако бунтовничката група Хути истрела две ракети кон територијата на Израел, пренесе Ал Џезира. Според телевизијата Ал Масира, која е блиска до движењето Хути, четири ракети ја погодиле пистата на аеродромот. Една од нив целосно го уништила единствениот цивилен авион на компанијата Јемениа Ервејс што се уште сообраќал од аеродромот во Сана.
This is the 7O-AFF, one of the last two Airbus A320-233 passenger aircraft of #Yemenia Airways. It was destroyed by the #Israel Air Force at #Sanaa International airport on May 28, 2025. That airstrike was a response to the failed ballistic missile attack of the #Houthi… pic.twitter.com/VeZ5VU9vPG
— Babak Taghvaee – The Crisis Watch (@BabakTaghvaee1) May 30, 2025
Генералниот директор на аеродромот, Халед ал-Шајер, за мрежата X изјави дека авионот требало да превезе патници кон Саудиска Арабија за муслиманскиот аџилак – хаџ.
На социјалните мрежи се појавија снимки од моментот на нападот. На едно од видеата се гледаат патници и членови на екипажот како панично бегаат од авионот, кој бил зафатен од пламен неколку моменти подоцна.
„Сцени од евакуацијата на авионот на Јемениа Ервејс, неколку секунди пред да биде нападнат од ционистичкиот непријател“, напиша ал-Шајер во својата објава.
Israeli airstrikes on May 28, 2025, destroyed the last operational civilian aircraft belonging to Yemenia Airways at #Sanaa Int'l Airport, #Yemen. The strikes, which followed #Houthi missile attacks on #Israel…
📸©️Reuters | Khaled Al-shaief/X#YemeniaAirways #Yemenia #Yemeni pic.twitter.com/equGsj2yhs
— FlightMode (@FlightModeblog) May 29, 2025
Овој напад се случува во период на зголемени тензии во регионот, при што израелските власти тврдат дека дејствуваат како одговор на директни закани од териториите под контрола на Хутите. Од страна на меѓународната заедница, засега нема официјална реакција.