66
Главниот мост кој ја дели Јужна и Северна Митровица и оваа недела не е отворен за сообраќај, а на него се уште има возила од карабинери кои гарантираат безбедност.
Во текот на оваа недела на самиот мост и околу него имаше работници кои варосуваа ѕидови и ги пополнуваа пукнатините и оштетувањата со малтер. На мостот веќе нема графити, мурали и националистички натписи, пренесува порталот „Косово онлајн“.
Исто така, како дел од најавите на косовските власти за отварање на мостот, институциите од Приштина извршија тестирање на оваа конструкција, со цел да се провери неговата носивост. Премиерот Аљбин Курти најави дека е запознаен со деталите за резултатите од овој тест и дека носивоста „ги исполнува сите стандарди“.