Херојот од Виница, Јован Костадинов, кој и самиот заврши во болница по трагичниот пожар во дискотеката во Кочани, ја сподели својата приказна за самопожртвуваноста и неговата решеност да спаси што повеќе животи. Тој ја раскажа својата улога во трагедијата и детали од спасувачката операција.
Костадинов објасни дека изнесувањето на младите било многу тешко, бидејќи многу од нив биле онесвестени. Поради тоа, сам се соочувал со голема физичка и психолошка напорност, изнесувајќи ги младите до излезот, каде што биле преземени од други. Но, неговата самопожртвуваност не застанала тука. Брзо се враќал назад за да изнесе нови луѓе кои биле во опасност.
„Кога излегов надвор на воздух, паднав на колена. Многу ми се слоши, ме земаа со една кола и ме носеа, но очите ми печеа и ми се вртеше. На задното седиште беа двајца онесвестени, а кога стигнавме до болницата, беше целосен хаос“, вели Костадинов.
Тој исто така откри како успеал да се снајде и да продолжи со спасувањето на луѓето: „Го земав цревото, се измокрив и тргнав кон главниот влез. Но, таму беше пренатрупано, па одлучив да влезам низ прозорецот што е кај билетите. Влегов во просторијата каде што имаше неколку луѓе. Вратата беше заглавена, па ја скршивме и започнавме да ги извлекуваме еден по еден.“
Истата решеност и храброст која ја покажал тој тој ден, Јован Костадинов ја опишува како основна причина за неговото учество во спасувањето на животи во најтешките моменти.
View this post on Instagram