Во јуни 2023 година, подморницата „Титан“ исчезна во длабочините на Северниот Атлантик, при што загинаа пет лица. Сега, нова снимка објавена од Одборот за поморски истраги при Крајбрежната стража на САД го открива моментот кога подморницата имплодирала. Камерите на мајчиниот брод ја фатија сцената кога Венди Раш, сопруга на Стоктон Раш – основачот на компанијата „Оушенгејт“ што ја изгради подморницата – слушна слаб звук, сличен на трескање на врата од автомобил.
„Што беше тоа тресок?“ праша таа, свртувајќи се кон другите на бродот.
Тогаш, подморницата беше на длабочина од околу 3.300 метри и 90 минути по почетокот на спуштањето кон морското дно, каде патниците требаше да ги видат остатоците од „Титаник“. Истражителите веруваат дека токму тој „тресок“ бил моментот кога подморницата имплодирала. Сепак, неколку моменти подоцна, екипажот на мајчиниот брод добил порака дека подморницата испуштила два тега, што можело да создаде лажен впечаток дека сè уште функционира.
The wife of OceanGate's chief executive asked "what was that bang?"as she unknowingly heard the moment the Titan submersible imploded.Footage captures the sound of the Titan submersible imploding during its journey to the wreck of the Titanic.#titanic #titan pic.twitter.com/hNXgFNolnY
— Volkan🎬 (@volkanavision) May 23, 2025
Океанографот Крис Роман објаснува дека пораката можеби била испратена непосредно пред имплозијата, но поради доцнењето во преносот, на бродот ѝ пристигнала подоцна.
„Секој систем за пренос на податоци под вода има време на одлагање поради обработката на сигналите“, рече Роман. „Можно е пораката да е испратена неколку секунди пред имплозијата, но да се појави на бродот подоцна“. Шест секунди по пораката, контактот со подморницата бил изгубен. Откако подморницата не се појави на површината, започна голема меѓународна мисија за пребарување и спасување во оддалечените води југоисточно од Њуфаундленд.
Остатоците од подморницата беа пронајдени неколку дена подоцна, само неколку стотици метри од остатоците на „Титаник“. Во несреќата загинаа Венди Раш, бизнисменот Шахзада Давуд, неговиот 19-годишен син Сулејман, бизнисменот Хамиш Хардинг и францускиот нуркач Пол-Анри Наржолет. Сослушувањата за несреќата открија критики кон компанијата „Оушенгејт“ и Стоктон Раш, кои им наплаќале на патниците по околу 250.000 долари за нуркање, и покрај бројните загрижености за безбедноста на подморницата. Катастрофата се смета за пример за опасностите од човечката гордост и алчност.
Во наредните недели се очекуваат два документарни филма – еден од Би-Би-Си и друг од Нетфликс – кои ќе ја истражуваат причината за трагедијата.