Познатата италијанска водителка Елеонора Даниеле остана во шок откако, за време на пренос во живо, во студиото пристигна веста дека папата Франциско починал.
На Rai1 се емитуваше емисијата Storie Italiane, а водителката ја прекина програмата за да ја соопшти веста за смртта на поглаварот на Католичката црква.
Видно вознемирена, водителката погледна во хартијата што ѝ ја дадоа колегите, длабоко воздивна и неколкупати погледна во камерата, обидувајќи се да ја изговори веста што штотуку ја добила.
„Пристигнаа две вести од агенциите, кои ги прочитав како новинар“, рече таа, па зеде уште еден здив, барајќи ги вистинските зборови.
„Мислам дека ова е една од најтажните вести во светот, агенциите токму што ја известија веста за смртта на папата“, додаде таа, додека во студиото владееше целосна тишина, микрофонот беше исклучен, а се појавија и мали технички проблеми.
Потресената Елеонора потоа се сврте кон својот гостин, свештеникот, и рече: „Почина папата Фрањо. Мислам дека сега, дон Антонио, единственото нешто што ни останува е молитвата и тишината“. Во студиото се слушна друг гостин како шокирано изговара: „Папата умре? О, Боже!“.Водителката потоа се прибра и рече дека папата Франциско е човек кој му зборуваше на светот за љубов, мир и храброст.
È morto Papa Francesco.
L'annuncio in diretta su Rai 1 pic.twitter.com/BXFYKZEKH4— Il Grande Flagello (@grande_flagello) April 21, 2025